A directora xeral de Formación e Cualificación para o Emprego, Zeltia Lado, visitou esta mañá no Centro de Novas Tecnoloxías de Galicia (CNTG) o alumnado que está a piques de rematar catro graos C de formación profesional da familia informática dirixidos a persoas desempregadas. Alí, a representante autonómica puxo en valor as oportunidades laborais que brindan estas accións coas que se obteñen os correspondentes certificados profesionais.

En concreto, os cursos que están a piques de acabar —e nos que se anotaron máis de 40 persoas— son os de Programación con linguaxes orientadas a obxectos e bases de datos relacionais, Desenvolvemento de aplicacións con tecnoloxías web, Operación de sistemas informáticos e Xestión de sistemas informáticos. A directora xeral xustificou a escolla na alta inserción laboral da que goza este sector, polo que se seguirán programando —dixo— accións deste tipo. 

Nesa liña, está aberto o prazo para que as persoas desempregadas interesadas se inscriban en dous novos cursos tamén da familia informática, que se impartirán no CNTG durante os meses de abril, maio e xuño. Abordarán o desenvolvemento de compoñentes software en linguaxes de programación orientadas a obxectos e o desenvolvemento de compoñentes software en contorna de cliente respectivamente.

O Programa Bono Remuda, integrado na convocatoria unificada para persoas traballadoras autónomas dotada con preto de 41 M€, ten a finalidade de evitar o peche de negocios por falta de remuda xeracional, ao tempo que facilita que as persoas interesadas en emprender teñan a posibilidade de recoller o testemuño dun negocio xa viable economicamente. Conta con dúas liñas de actuación: a Liña 1, o Bono Remuda Rural, para concellos de menos de 10.000 habitantes; e a Liña 2, o Bono Remuda Xeral, para concellos de 10.000 habitantes ou máis. Nos dous casos subvenciónase o prezo, sen IVE, estipulado no contrato de remuda dun negocio ou actividade que estivese previamente inscrito na bolsa de remuda da Rede de Polos de Emprendemento. Para a Liña 1, esta achega é do 75% do prezo do contrato, mentres que para a 2 é do 70%.

Durante a visita a este establecemento, que recibiu no 2025 unha axuda de 30.000 euros  no marco deste programa, Aneiros sinalou que a convocatoria actual, dirixida a persoas traballadoras autónomas, profesionais dados de alta no RETA ou en calquera outro réxime especial por conta propia, así como ás persoas mutualistas e ás sociedades de calquera clase, mantén aberto o prazo de solicitudes ata o 30 de setembro. Este ano, o Bono Remuda conta cun orzamento total de 1,5 millóns de euros. A delegada remarcou tamén a “importancia da remuda xeracional para o comercio local”, destacando estas axudas como “un impulso axeitado para todos os que queiran emprender”.