QUE É
Coñece o proxecto e forma parte
Estamos a realizar o primeiro diagnóstico de benestar laboral en Galicia, para transformar a realidade laboral desde dentro das organizacións.
Galicia necesita saber cómo se traballa de verdade: con que condicións, con que cargas e con que calidade de vida. Este proxecto recolle as vosas respostas para convertelas en políticas e medidas reais.
Traballadores, empresas, sindicatos e administracións: todos formamos parte do mundo laboral galego. Este espazo é para entendelo mellor e melloralo entre todos.
Un proxecto da Xunta de Galicia para entender como viven o traballo as persoas e as empresas galegas e deseñar xuntos un plan de mellora real para 2030.
DIÁLOGO SOCIAL
Participa: a túa visión constrúe a folla de ruta
Traballas? Dirixes un equipo? Representas a persoas traballadoras? Xestionas persoas nunha organización?
Entón sabes de primeira man como se vive o traballo en Galicia. E iso é exactamente o que necesitamos.
A través dun cuestionario, invitámosvos a co-crear unha definición de Benestar Laboral que se adapte á realidade do noso tecido laboral. A túa aportación é clave no deseño da folla de ruta operacional cara ao Horizonte 2030.
Queremos contar contigo e recoller as ideas en accións que nos axuden a mellorar a realidade social, o rendemento das organizacións e o benestar das persoas.
PARTICIPA! Este espazo é o eixe central da estratexia. A túa aportación é clave no deseño da folla de ruta.
2030
Horizonte estratéxico
PARTICIPA!
DIagnóstico aberto
+25
axentes
PARA QUÉ ESTE PROXECTO
A RSE que transforma empeza por dentro
A verdadeira Responsabilidade Social non comeza na imaxe, nin na comunicación: comeza no corazón das organizacións: impactando nas persoas que as componen.
Este proxecto nace para avaliar a madurez do benestar laboral en Galicia, diagnosticar o punto de partida e deseñar unha estratexia compartida que coloque ás persoas no centro da competitividade.
METODOLOXÍA
Como construímos o diagnóstico
01
Revisión documental
Análise do marco normativo europeo e galego, tendencias internacionais e estudos existentes sobre benestar laboral e RSE interna.
02
Entrevistas con axentes estratéxicos
Conversas en profundidade con líderes responsables de RRHH, representantes sindicais e administracións públicas.
03
Diálogo Social
Recollida masiva de perspectivas de axentes claves de diferentes organizacións de toda Galicia. A túa voz forma parte do diagnóstico.
OBXECTIVOS ESTRATÉXICOS
Cara a onde imos
- Liderar a transformación humana do tecido produtivo
Establecer un novo marco de xestión organizacional que priorice o benestar laboral como motor de eficiencia e de arraigamento territorial.
- Aliñar competitividade e sustentabilidade social
Converter o benestar laboral nun valor estratéxico real, contribuíndo a situar Galicia na vangarda da Axenda 2030.
- Atraer e reter talento desde o benestar
Usar o benestar como recurso real de atracción de talento e como peza clave da sustentabilidade das organizacións galegas.
- Construír un modelo de referencia galego
Crear unha folla de ruta compartida entre organizacións públicas e privadas, administracións, profesionais e traballadores.