As microcredenciais son experiencias de aprendizaxe de curta duración, que ofrecen vías formativas flexibles, que contan co aval da UNESCO e a Comisión Europea.

É un novo modelo de ensino co que se adquiren mini-títulos ou certificados, enmarcados na adquisición de coñecementos, capacidades e competencias, necesarias para un desenvolvemento persoal e profesional, enfocados nunha área concreta.

A contorna actual é tan cambiante, debido á aceleración tecnolóxica e as modificacións nos contidos laborais, que require dunha actualización constante e unha capacidade adaptativa, que só pode cubrirse coa posibilidade de realizar formacións a medida en curtos períodos de tempo, que garantan a formación continua que esta nova actualidade require.