ChatGPT leva xa uns meses revolucionado o mundo dos negocios. En menos dun ano desde a súa «presentación en sociedade» xurdiron multitude de cursos sobre como usalo, bastantes voces críticas con medo ao tema da destrución do emprego, perda de control da información ou preocupados polo cambio no sistema educativo.

Con todo, a intelixencia artificial veu para quedar e ChatGPT, ben usado, pode facilitar a produtividade de empresas e emprendedores.

A gran dúbida para resolver neste artigo é onde está o límite de usar ChatGPT para unha empresa sen que afecte ao core da mesma. No artigo de hoxe exploraremos os principais erros que se deben evitar con ChatGPT.

4 razóns poderosas polas que non deixar o teu branding en mans de ChatGPT

Antes de entrar en materia, é importante entender que é iso do branding.

Moitas empresas e emprendedores confunden branding con márketing e enténdeno como unha forma de vender ou promover os seus produtos e servizos.

Outras pensan que o branding é a parte visual (a identidade visual), é dicir, o logo, cores ou tipografía. Con todo, iso é só unha pincelada, iso é o envoltorio dunha marca.

1. O branding é o core do teu negocio

Branding fai referencia a crear marca. No mundo da marca persoal, chámase personal branding. Construír unha marca implica traballar estes 3 elementos clave: os valores, a misión e visión da marca; é dicir, trátase de responder preguntas tan potentes como:

• Por que existe a empresa ou o negocio?
• Que impacto quere xerar no mundo?
• Cales son os valores inquebrantables do teu negocio e teus propios como profesional independente?
• Onde queres chegar co teu negocio?

Os valores, a misión e visión son o core (o núcleo) dunha boa marca, o primeiro paso dun bo branding.

Deixarías que estas preguntas decisivas as respondese a intelixencia artificial por ti? Que che dixese en que crees, por que existe o teu negocio e onde tes que chegar?

Supoño que a resposta xa a tes clara, pero sigamos afondando.

2. Posicionamento, personalidade e emocións

Un bo branding contempla, ademais, a personalidade de marca, eses famosos 12 arquetipos entre os que se atopan o explorador, o rebelde, o amante, o heroe… e que te axudan a orientar mellor a comunicación e posicionamento da túa marca, tanto no offline como no dixital.

Falar de branding é, ademais, falar de emocións. Unha marca, xa sexa corporativa ou persoal, debe xerar sensacións e transmitir máis aló da pantalla. Cheiros, sons, palabras…

Todos estes elementos deben ir en sintonía para que unha marca se posicione no mercado.

Deixarías que ChatGPT elixise a túa personalidade ou decidise como queres ser percibido/a no mercado?

Como acabas de ver, o branding componse das decisións core do teu negocio, xa sexas emprendedor ou empresa. E esas decisións só as podes tomar ti como líder e creador/a do teu negocio.

ChatGPT impulsa o teu negocio e marca

Ben utilizado, ChatGPT pódese converter nunha ferramenta poderosa para calquera negocio e empresa. Evidentemente, desaparecerán moitos empregos baseados en tarefas repetitivas e tenderase a automatizar o máximo posible moitos servizos, mais tamén se crearán postos de traballo que aínda hoxe non existen nin nos imaxinamos.

Como emprendedor/a ou empresario/a, a clave está en incorporar a intelixencia artificial e non ter medo a experimentar, e é que o que marcará a diferenza entre a supervivencia ou non dun negocio non será a intelixencia artificial per se, senón as empresas que a utilizan e as que non.

Anímote a que comeces a utilizala e, para calquera consulta, non dubides en contactar comigo.