O programa Retorna Cualifica Emprego ten como finalidade contribuír a incrementar a poboación activa de Galicia a través da atracción das persoas galegas residentes no estranxeiro, tanto as emigrantes como as súas descendentes, facilitándolles mecanismos e medios para a súa cualificación e a súa inserción laboral.
O programa Retorna Cualifica Emprego ten como obxectivo específico que aquelas persoas que contan cun plan de cualificación e empregabilidade, subscriban un contrato de traballo cunha duración mínima de 12 meses, ou 15 meses no caso de ser un contrato de traballo fixo-descontinuo dos cales o período de actividade será como mínimo de 9 meses.
Inscrición no programa
Para participar no o programa Retorna Cualifica Emprego as empresas deberán realizar a súa inscrición mediante:
A solicitude de adhesión ao Programa Retorna Cualifica Emprego.
A formalización do correspondente compromiso de contratación das persoas participantes no programa con calquera das Fundacións colaboradoras, indicando os perfís e número de persoas a contratar, modalidades de contratos, duración e xornada e identificación ou localización dos centros de traballo.
Contidos do programa
Coa participación no programa Retorna Cualifica Emprego as empresas recibirán os seguintes servizos:
Preselección das persoas participantes no programa que reúnan os requisitos e se axusten aos perfís demandados polas empresas e que ademais manifesten a súa dispoñibilidade e conformidade para trasladarse a Galicia para incorporarse ao posto de traballo ofertado.
Asistencia por parte das fundacións conveniadas para o proceso de contratación das persoas.
Requisitos para poder participar
Poden participar as empresas con centros de traballo en Galicia interesadas na contratación de persoas traballadoras migrantes galegas que participen no Programa Retorna Cualifica Emprego e coas se comprometan a formalizar o correspondente contrato de traballo.
Para a formalización do contrato con participantes incluídos no Programa é imprescindible que a oferta de emprego sexa previamente obxecto de difusión a través do Servizo Público de Emprego de Galicia.
A duración do contrato ofertado en todo caso será como mínimo de 12 meses, agás na modalidade fixo-descontinuo que deberá ser como mínimo de 15 meses e dos cales 9 meses serán de actividade.